മുഖ സൗന്ദര്യത്തിൽ കണ്ണിനുള്ള പ്രാധാന്യം വളരെ വലുതാണ്. എന്നാൽ കണ്ണിന് ചുറ്റുമുള്ള കറുപ്പ് ആളുകളിൽ ആശങ്ക ജനിപ്പിക്കുന്ന ഒന്നാണ്. കണ്ണിനു ചുറ്റുമുള്ള കറുപ്പിന്റെ കാരണങ്ങളും അവയ്ക്കുള്ള പരിഹാരവുമാണ് ഈ ലേഖനത്തിൽ നമ്മൾ പരിശോധിക്കുന്നത്. കൂടുതൽ അറിയാൻ തുടർന്ന് വായിക്കുക.
കാരണങ്ങൾ
- കണ്ണുകൾക്ക് താഴെ ഉള്ള നേർത്ത ചർമത്തിന് ചുറ്റും കൂടുതലായി കാണുന്ന പിഗ്മെന്റേഷൻ, പാരമ്പര്യമായി ഉണ്ടാകുന്ന ചില പ്രശ്നങ്ങൾ കൊണ്ടും കണ്ണിന് ചുറ്റും കറുപ്പുണ്ടാകാൻ സാധ്യതയുണ്ട്.
- പ്രായം കൂടുന്നതും ഇതിനു കാരണമാവാറുണ്ട്. പ്രായം കൂടുന്നതിനനുസരിച് കണ്ണിനു ചുറ്റുമുള്ള കറുപ്പ് കൂടാനുള്ള സാധ്യത ഏറെ ആണ്. പ്രായം കൂടുമ്പോൾ ചർമത്തിന്റെ കനംകുറയുകയും കൊഴുപ്പും കൊളാജനും കുറയുന്നതാണ് ഇതിനു കാരണമാവുന്നത്.
- ഉറക്കക്കുറവ് കണ്ണിനു ചുറ്റുമുള്ള കറുപ്പ് ഉണ്ടാകുന്നതിനുള്ള ഒരു പ്രധാന കാരണമാണ്. കണ്ണുകൾക്ക് ചുറ്റും വീക്കം ഉണ്ടാകുന്നതിനും ചർമത്തിന്റെ നിറം മങ്ങുകയും രക്തക്കുഴലുകൾ കൂടുതൽ വ്യക്തമാകുന്നതതിനും കാരണമാവുന്നു.
- ചില ആരോഗ്യ പ്രശ്നങ്ങൾ കണ്ണിനു ചുറ്റും കറുപ്പ് സൃഷ്ടിക്കാൻ കാരണമാവാറുണ്ട്. അലർജിയും മൂക്കടപ്പും സ്ഥിരമായി ഉണ്ടാവാറുള്ള ആളുകളിൽ കണ്ണിനു ചുറ്റുമുള്ള കറുപ്പ് ഉണ്ടാകാനുള്ള സാധ്യത ഏറെ ആണ്.
- സൂര്യപ്രകാശം അമിതമായി ഏൽക്കുന്നതും കണ്ണിനു ചുറ്റുമുള്ള കറുപ്പ് ഉണ്ടാകാൻ കാരണമാവുന്നു. മെലാനിൻ ഉത്പാദനം കൂടാനും ഇതുമൂലം കണ്ണുകൾക്ക് ചുറ്റും കറുപ്പ് ഉണ്ടാവാനും കാരണമാവുന്നു. മെലാനിൻ ചര്മത്തിന് നിറം നൽകുന്ന പിഗ്മെന്റ് ആണ്.
പരിഹാരങ്ങൾ
- കണ്ണിനു ചുറ്റുമുള്ള ഭാഗത്ത് തണുപ്പ് നൽകുന്നത് കണ്ണിനു ചുറ്റുമുള്ള തണുപ്പ് കുറക്കുന്നതിന് സഹായിക്കും. ഇതിനായി ഒരു തണുപ്പിച്ച വെള്ളരിക്ക മുറിച് കണ്ണിനു മുകളിലായി വെക്കുകയോ, കോൾഡ് കംപ്രസ്സർ ഉപയോഗിക്കുകയോ ചെയ്യാവുന്നതാണ്.
- കണ്ണിനു ചുറ്റുമുള്ള കറുപ്പ് കുറക്കുന്നതിന് ഉറക്കം വളരെ അനിവാര്യമാണ്. ദിവസവും 8 മണിക്കൂർ ഉറങ്ങുന്നുണ്ടെന്ന് ഉറപ്പുവരുത്തുക. കൃത്യമായ ഉറക്കം ചർമ്മത്തിന്റെ ആരോഗ്യം മെച്ചപ്പെടുത്തുന്നതിനും കണ്ണുകളുടെ വീക്കം കുറയ്ക്കുന്നതിനും സഹായിക്കും.
- അണ്ടർ ഐ ക്രീമുകൾ ഉപയോഗിക്കുന്നത് ഡാർക്ക് സർക്കിൾസ് കുറക്കാനും ചർമത്തിന്റെ ഇലാസ്തികത മെച്ചപ്പെടുത്താനും വീക്കം കുറക്കാനും സഹായിക്കുന്നു. വിറ്റാമിൻ സി, റെറ്റിനോയിഡുകൾ, കഫീൻ, ഹൈലുറോണിക് ആസിഡ് തുടങ്ങിയ ചേരുവകൾ അടങ്ങിയിരിക്കുന്ന ഐ ക്രീമുകൾ തിരഞ്ഞെടുക്കാൻ ശ്രെദ്ധിക്കുക.
- കണ്ണുകൾക്ക് ചുറ്റും അമിതമായ കറുപ്പ് ഉണ്ടെങ്കിൽ ബ്യൂട്ടി ട്രീറ്റ്മെന്റുകൾ ചെയ്യുന്നതും നല്ലതാണ്. ലേസർ തെറാപ്പി, കെമിക്കൽ പീലുകൾ, ഫില്ലറുകൾ എന്നിവ ചെയ്യുന്നത് കണ്ണുകൾക്ക് ചുറ്റുമുള്ള കറുപ്പ് കുറക്കാൻ സഹായിക്കും.
