ലോകകപ്പ് ജേതാവായ ഫാസ്റ്റ് ബൗളർ മുനാഫ് പട്ടേൽ ഡൽഹി ക്യാപിറ്റൽസിൻ്റെ പുതിയ സപ്പോർട്ട് സ്റ്റാഫിൽ ബൗളിംഗ് പരിശീലകനായി ചേർന്നതായി ഫ്രാഞ്ചൈസി ചൊവ്വാഴ്ച (നവംബർ 12) അറിയിച്ചു. ക്രിക്കറ്റ് ഡയറക്ടർ വേണുഗോപാൽ റാവുവിൻ്റെയും മുഖ്യ പരിശീലകൻ ഹമാങ് ബദാനിയുടെയും നേതൃത്വത്തിലുള്ള സപ്പോർട്ടിംഗ് കാസ്റ്റിലാണ് മുനാഫ് എത്തുന്നത്.
ഈ വർഷമാദ്യം ദീർഘകാല പരിശീലകനായിരുന്ന റിക്കി പോണ്ടിങ്ങുമായി ടീം വേർപിരിഞ്ഞു. റാവുവും ബദാനിയും അടങ്ങുന്ന പുതിയ കോച്ചിംഗ് ഗ്രൂപ്പിന് ബാക്കിയുള്ള സപ്പോർട്ട് സ്റ്റാഫിനെ ഒപ്പിടാനുള്ള ചുമതല നൽകി.
നേരത്തെ ജെയിംസ് ഹോപ്‌സ് വഹിച്ചിരുന്ന റോൾ മുനാഫ് ഏറ്റെടുക്കും. മൂന്ന് ഫോർമാറ്റുകളിലും ഇന്ത്യയെ പ്രതിനിധീകരിക്കുന്നതിന് പുറമേ, രാജസ്ഥാൻ റോയൽസ്, മുംബൈ ഇന്ത്യൻസ്, ഗുജറാത്ത് ലയൺസ് എന്നിവയ്ക്കായി 63 ഐപിഎൽ മത്സരങ്ങൾ കളിച്ച മുനാഫ് 7.51 ഇക്കോണമി റേറ്റിൽ 74 വിക്കറ്റുകൾ നേടിയിട്ടുണ്ട്. 2017ലാണ് അദ്ദേഹം തൻ്റെ അവസാന ഐപിഎൽ മത്സരം കളിച്ചത്.
English Summary:
