പ്രശസ്ത യുവനടി അനിഖ സുരേന്ദ്രൻ ഇരുപതാം വസന്തത്തിലേക്ക് കടന്നിരിക്കുന്നു. പ്രിയപ്പെട്ട കുടുംബാംഗങ്ങളുടെയും സുഹൃത്തുക്കളുടെയും സാന്നിധ്യത്തിൽ ആഘോഷപൂർവ്വമായിരുന്നു ജന്മദിനാചരണം. ആഘോഷവേളയിലെ നിമിഷങ്ങൾ നടി സോഷ്യൽ മീഡിയയിലൂടെ ആരാധകരുമായി പങ്കുവെച്ചു.
മലയാള സിനിമാ ലോകത്തേക്കുള്ള അനിഖയുടെ പ്രവേശനം സത്യൻ അന്തിക്കാടിന്റെ സംവിധാനത്തിൽ ഒരുങ്ങിയ ‘കഥ തുടരുന്നു’ എന്ന ചിത്രത്തിലൂടെയായിരുന്നു. തുടർന്ന് ‘ഭാസ്കർ ദ റാസ്കൽ’, ‘മൈ ഗ്രേറ്റ് ഫാദർ’, ‘അഞ്ചു സുന്ദരികൾ’ തുടങ്ങിയ വൈവിധ്യമാർന്ന കഥാപാത്രങ്ങളിലൂടെ മലയാള സിനിമയിൽ തന്റേതായ ഇടം കണ്ടെത്തി.
കോളിവുഡിലും ശ്രദ്ധേയമായ സാന്നിധ്യമാണ് ഈ യുവനടി. അജിത്കുമാർ നായകനായെത്തിയ ‘യെന്നൈ അറിന്താൽ’ എന്ന ചിത്രത്തിലൂടെ തമിഴ് സിനിമയിലേക്ക് കടന്നുവന്ന അനിഖ, പിന്നീട് ‘നാനും റൗഡിതാൻ’, ‘വിശ്വാസം’, ‘മിരുതൻ’, ‘മാമനിതൻ’ തുടങ്ങിയ ശ്രദ്ധേയമായ ചിത്രങ്ങളിൽ അഭിനയിച്ചു.
മലയാളത്തിൽ അവസാനമായി പ്രദർശനത്തിനെത്തിയത് മാത്യു നായകനായ ‘കപ്പ’ എന്ന ചിത്രമാണ്. നിലവിൽ തമിഴിൽ ‘വാസുവിൻ ഗർഭിണികൾ’ എന്ന പുതിയ ചിത്രത്തിന്റെ ഭാഗമായി പ്രവർത്തിച്ചുവരികയാണ് അനിഖ സുരേന്ദ്രൻ.
English Summary:
