ബോക്സ് ഓഫീസിൽ കൊടുങ്കാറ്റായി മാറിയ ‘അമരൻ’ എന്ന ചിത്രത്തിലെ ഏറെ പ്രതീക്ഷയോടെ കാത്തിരുന്ന ‘ഉയിരെ’ എന്ന ഗാനം സംഗീത പ്രേമികൾക്കായി പുറത്തിറങ്ങി. പ്രശസ്ത സംഗീത സംവിധായകൻ ജി.വി. പ്രകാശ് രാജിന്റെ സംഗീതത്തിൽ ഗീതകാരൻ വിവേക് രചിച്ച വരികൾക്ക് നകുൽ അഭ്യങ്കറും രമ്യ ഭട്ട് അഭ്യങ്കറും ജീവൻ നൽകിയിരിക്കുന്നു. റിലീസിന് മുമ്പേ തന്നെ ആരാധകരുടെ പ്രിയപ്പെട്ട ഗാനമായി മാറിയ ‘ഉയിരെ’ ഇപ്പോൾ എല്ലാ ഓഡിയോ പ്ലാറ്റ്‌ഫോമുകളിലും ലഭ്യമാണ്.
സിനിമാ ലോകത്തെ ഏറ്റവും പുതിയ വിസ്മയമായി മാറിയിരിക്കുകയാണ് ‘അമരൻ’. ഒക്ടോബർ 31-ന് തിയറ്ററുകളിലെത്തിയ ചിത്രം ഇതിനോടകം 250 കോടി രൂപയുടെ വമ്പൻ കളക്ഷൻ നേടിക്കഴിഞ്ഞു. ഈ നേട്ടത്തിലൂടെ തമിഴ് സിനിമയിൽ സോളോ നായകനായി 250 കോടി ക്ലബ്ബിൽ ഇടം നേടുന്ന നാലാമത്തെ താരമായി ശിവകാർത്തികേയൻ മാറി. സിനിമാ ലോകത്തെ ദിഗ്ഗജങ്ങളായ രജനികാന്ത്, വിജയ്, കമൽഹാസൻ എന്നിവർക്ക് പിന്നാലെയാണ് ശിവകാർത്തികേയന്റെ ഈ അപൂർവ്വ നേട്ടം. കൂടാതെ, അദ്ദേഹത്തിന്റെ കരിയറിലെ ആദ്യ 200 കോടി ചിത്രം എന്ന റെക്കോർഡും ‘അമരൻ’ സ്വന്തമാക്കി.
സൈനിക ഓഫീസറായ മേജർ മുകുന്ദ് വരദരാജന്റെ ജീവിതം ആസ്പദമാക്കി രാജ്കുമാർ പെരിയസാമി സംവിധാനം ചെയ്ത ഈ ചിത്രം രാജ് കമൽ ഫിലിംസ് ഇന്റർനാഷണലും സോണി പിക്ചേഴ്സ് ഫിലിംസ് ഇന്ത്യയും ചേർന്നാണ് നിർമ്മിച്ചത്. പ്രശസ്ത നടി സായ് പല്ലവി നായികയായെത്തിയ ചിത്രത്തിൽ ഭുവൻ അറോറ, രാഹുൽ ബോസ്, ശ്രീകുമാർ, വികാസ് ബംഗർ തുടങ്ങിയ താരനിര അണിനിരന്നു.
പുതുമുഖ ഛായാഗ്രാഹകൻ സി.എച്ച്. സായിയുടെ കാമറയിലൂടെ പകർത്തിയ ദൃശ്യങ്ങൾക്ക് ആർ. കലൈവാനന്റെ എഡിറ്റിംഗിലൂടെ പുതിയ മാനം കൈവന്നു. റിലീസ് ചെയ്ത് രണ്ടാഴ്ച പിന്നിട്ടിട്ടും തിയറ്ററുകളിൽ ജനപ്രവാഹം തുടരുന്ന ചിത്രം ബോക്സ് ഓഫീസിൽ പുതിയ റെക്കോർഡുകൾ സൃഷ്ടിച്ചുകൊണ്ടിരിക്കുകയാണ്.
English Summary:
